Франция пойтахти Париж шаҳридаги Эйфель минораси мамлакатда COVID-19 коронавируси тарқалгани туфайли номаълум муддатга ёпиб қўйилди. Бу ҳақда туристларни ўзига чорлайдиган ушбу бинонинг Twitter’даги расмий саҳифасида хабар қилинган.
Аввал Францияда Лувр ва Орсэ каби таниқли музейлар, шунингдек, Версаль саройи вақтинчалик ёпиб қўйилганди.
«COVID-19 коронавирусининг тарқалгани туфайли ҳукуматнинг тегишли чора-тадбирлари доирасида Эйфель минораси 14 март маҳаллий вақт билан 21:00 дан ташриф буюрувчилар учун номаълум муддатга вақтинча ёпилади», – дейилган миноранинг Twitter’даги расмий саҳифасида.
13 март куни Франция бош вазири Эдуар Филипп мамлакат ҳудудида 100 нафар ва ундан ортиқ одам ташриф буюрадиган ҳар қандай оммавий тадбирнинг бекор қилинганини қайд этган. Францияда 13 март ҳолатига кўра, коронавирус билан касалланганлар сони 2876 нафар одамни ташкил қилади. 61 нафар франциялик вирус келтириб чиқарган пневмония касаллиги оқибатида вафот этган.
Мавзуга доир: Ўзбекистон 14 мартдан бошлаб Франция, Италия ва Британия билан авиақатновларни тўхтатади
Изоҳ (0)