6 март кунига қадар Хитойда коронавирусдан даволанишга муваффақ бўлган 53 726 кишига шифохонадан жавоб берилди. Бу ҳақда Хитой Соғлиқни сақлаш миллий комиссияси хабар берди.
Ўтган бир сутка давомида Хитойда коронавирусга чалинган 143 киши қайд этилган, касаллик оқибатида вафот этаётганлар сони эса 30 кишига қадар камайган.
6 март ҳолатига кўра, Хитойда 80 552 кишида коронавирус аниқланган. Мамлакат бўйлаб касаллик оқибатида вафот этганларнинг умумий сони 3042 кишини ташкил этмоқда.
Жаҳон соғлиқни сақлаш ташкилотининг маълумотларига кўра, Хитойдан ташқари дунёнинг бошқа давлатларида 2,1 минг кишида коронавирус аниқланган. Касалликни юқтириб олганларнинг жами сони эса 95,3 мингдан ошиб кетди.
Аввалроқ Италияда «коронавирус маҳсулотлари» сотиладиган дўкон кирдикорлари фош қилингани, Буюк Британияда эса коронавирус билан касалланганлар сони 100 нафардан ошиб кетгани ҳақида хабар берилганди. Санкт-Петербургда коронавирус сабаб ОТМнинг 700 нафардан ортиқ талабаси карантинга олинган.
Изоҳ (0)