Туркия ҳукумати Греция билан чегара ҳудудига мингта полиция махсус гуруҳи жангчиларини Грециядаги қочоқларнинг қайтишига тўсқинлик қилиш учун юборади. Бу ҳақда Туркия ИИВ раҳбари Сулаймон Сўйлуга ассосланиб, «Коммерсантъ» хабар қилган.
Аввал Суриянинг Идлиб вилоятидаги вазият сабаб Туркиянинг Европа иттифоқи билан чегарани очиб юборгани маълум қилинган.
«Греция ҳукумати 164 нафар одамни ярадор қилди. Улар биз томонга 4,9 минг нафар одамни ўтказиб юбормоқчи бўлди. Биз чегара ҳудудига полиция махсус бўлинмасининг 1000 нафар ходимини юборамиз ва ушбу қайтишнинг амалга ошмаслигини таъминлашга ҳаракат қиламиз»,— деган Туркия ИИВ раҳбари.
Австриянинг Грециядан келаётган муҳожирлар оқимини ушлаб туриш учун Греция билан чегара ҳудудига чегара полициячиларини юбориши маълум бўлган.
«Биз ташқи чегарада одамларни тўхтатиб қолишга ҳаракат қилишимиз керак»,— деганди Австрия ички ишлар вазири Карл Нехаммер.
Туркия ЕИ билан чегарани Суриянинг Идлиб вилоятидаги вазият сабаб очиб қўйган. 27 февралда Идлибда Сурия ҳукумат қўшинларининг ҳужуми оқибатида 30 нафар турк ҳарбийси ҳалок бўлган. Россия мудофаа вазирлигининг тахминига кўра, турк ҳарбийлари террорчилар орасида бўлган. Анқара содир бўлган воқеадан кейин «Баҳор қалқони» операциясини бошлади. Туркия мудофаа вазирлигининг маълум қилишича, операция бошланганидан бери 3 минг суриялик ҳарбий йўқ қилинган.
5 март куни Москвада Россия президенти Владимир Путин ҳамда Туркия давлат раҳбари Ражаб Тоййиб Эрдўғон ўртасида вазият муҳокамасига бағишланган музокаралар ўтказилган.
Изоҳ (0)