Италия молиявий гвардияси «Коронавирус-шоп» дея аталувчи касалликдан ҳимоя воситаларини сотадиган дўконни ёпди. Бу ҳақда «РИА Новости» хабар қилган.
Хабарга кўра, «Коронавирус-шоп» касалликка қарши курашда катта фойда келтиради деган ёлғон билан жуда қиммат нархларда вирусдан ҳимоя воситаларини пуллаган. Жумладан, ионизаторлар, ниқоблар, комбинзонлар, кўзойнаклар, қўлқоп, дезинфекция воситалари, респираторлар, биоқўшимчалар ва ҳ.к. каби буюмларни, ҳатто 1000 евро нархида сотилган.
«Турин тезкор бошқармасининг яшил беретлар гуруҳи бундан ташқари яна 14 та тадбиркор фаолиятини фош этди, уларнинг бари италияликлар, кўпчилиги фирибгарлик йўли билан ҳаракат қилган», - дейилади ҳуқуқ-тартибот идораларининг пресс-релизида. Энди уларга икки йилгача қамоқ жазоси берилиши мумкин.
Италияда интернет фирибгарлигининг кўрсаткичи 33 тагача кўпайган. Уларнинг ҳаммаси янги турдаги коронавирусдан тўлиқ ҳимояни ваъда қилиб одамларни алдайди.
Изоҳ (0)