Японияда 2019-nCoV Хитой коронавирусини юқтириб олганлар сони 1000 нафарга етди, деб хабар берди «РБК».
Япония соғлиқни сақлаш вазирлиги маълумотларига кўра, касалланганларнинг 706 нафари Йокогама портида қарийб бир ой мобайнида карантинда бўлган Diamond Princess саёҳат кемаси экипажи аъзолари ва йўловчиларидир.
4 март куни Япония ғарбидаги Ямагути префектурасида коронавирусга чалиниш билан боғлиқ илк ҳолат қайд этилди.
Мамлакатда коронавирус туфайли вафот этганлар сони 12 кишини ташкил этди. Улардан олти нафари саёҳат кемасида бўлган.
Япония ҳукумати келгуси икки ҳафта коронавирусни тўхтатиш учун ҳал қилувчи рол ўйнашини айтди.
Энг кўп коронавирусни юқтирганлар аниқланган Хоккайдо оролида фавқулодда ҳолат эълон қилинган.Японияда 1 март куни Diamond Princess кемасидан одамларни эвакуация қилиш якунланди. Кемани экипажнинг сўнгги 130 нафар аъзоси тарк этди. Уларнинг барчаси икки ҳафтага Сайтама префектурасидаги давлат муассасасига икки ҳафталик карантинга жойлаштирилади. Такрорий таҳлиллар ўтказилади, агар улар коронавирус йўқлигини кўрсаца, денгизчиларга уйига рухсат берилади.
Diamond Princess 5 февраль куни Япония бортида гонконглик йўловчида коронавирус аниқланганидан кейин карантинга олинган эди. Лайнер бортидаги 3700 нафар йўловчидан 600 нафарида инфекция борлиги аниқланган, 3 нафар одам коронавирус туфайли кемада вафот этган.
Мавзуга доир:
Ўзбекистонда коронавирус тарқалган 14 давлатдан келган фуқароларни карантинга олиш ҳақида қарор қабул қилинди, ушбу давлатлар ичида Япония ҳам бор.
Изоҳ (0)