Yaponiyada 2019-nCoV Xitoy koronavirusini yuqtirib olganlar soni 1000 nafarga yetdi, deb xabar berdi “RBK”.
Yaponiya sog‘liqni saqlash vazirligi ma’lumotlariga ko‘ra, kasallanganlarning 706 nafari Yokogama portida qariyb bir oy mobaynida karantinda bo‘lgan Diamond Princess sayohat kemasi ekipaji a’zolari va yo‘lovchilaridir.
4-mart kuni Yaponiya g‘arbidagi Yamaguti prefekturasida koronavirusga chalinish bilan bog‘liq ilk holat qayd etildi.
Mamlakatda koronavirus tufayli vafot etganlar soni 12 kishini tashkil etdi. Ulardan olti nafari sayohat kemasida bo‘lgan.
Yaponiya hukumati kelgusi ikki hafta koronavirusni to‘xtatish uchun hal qiluvchi rol o‘ynashini aytdi.
Eng ko‘p koronavirusni yuqtirganlar aniqlangan Xokkaydo orolida favqulodda holat e’lon qilingan.Yaponiyada 1-mart kuni Diamond Princess kemasidan odamlarni evakuatsiya qilish yakunlandi. Kemani ekipajning so‘nggi 130 nafar a’zosi tark etdi. Ularning barchasi ikki haftaga Saytama prefekturasidagi davlat muassasasiga ikki haftalik karantinga joylashtiriladi. Takroriy tahlillar o‘tkaziladi, agar ular koronavirus yo‘qligini ko‘rsatsa, dengizchilarga uyiga ruxsat beriladi.
Diamond Princess 5-fevral kuni Yaponiya bortida gonkonglik yo‘lovchida koronavirus aniqlanganidan keyin karantinga olingan edi. Layner bortidagi 3700 nafar yo‘lovchidan 600 nafarida infeksiya borligi aniqlangan, 3 nafar odam koronavirus tufayli kemada vafot etgan.
Mavzuga doir:
O‘zbekistonda koronavirus tarqalgan 14 davlatdan kelgan fuqarolarni karantinga olish haqida qaror qabul qilindi, ushbu davlatlar ichida Yaponiya ham bor.
Izoh (0)