Туркия армияси Идлиб вилоятидаги Сурия ҳукумат қўшинларига тегишли отрядни йўқ қилди. Бу ҳақда Daily Sabah газетаси ўзининг Twitter’даги саҳифаси орқали маълум қилди.
Таъкидланишича, Сурия қўшинлари М-5 автомобиль йўлида ўққа тутилган. Ҳалок бўлганлар ва жароҳат олганлар ҳақида маълумот йўқ.
Аввалроқ Сурия кучлари томонидан Идлиб вилоятидаги турк ҳарбий хизматчиларига авиазарбалар берилгани ва бунинг оқибатида 33 нафар турк ҳарбийси ҳалок бўлгани ҳақида хабар берилганди. Турк колоннасининг 65 та автомобили шимолга чекинишга мажбур бўлган.
Шундан сўнг Туркия ҳукумати Сурияда ҳалок бўлган ҳарбий хизматчилар ҳақида ёлғон маълумотлар тарқалиб кетмаслиги учун мамлакатда ижтимоий тармоқларни блоклаб қўйди.
Изоҳ (0)