Сурия кучлари томонидан Идлиб вилоятидаги турк ҳарбий хизматчиларига берилган авизарбалар оқибатида ҳалок бўлганлар сони 33 кишига етди. Бу ҳақда Сурия билан чегарадош Ҳатай вилояти губернатори Раҳми Доганга таяниб, Anadolu агентлиги хабар берди.
Доганнинг таъкидлашича, яна 32 нафар турк аскари жароҳат олган. Унинг сўзларига кўра, ҳарбийлар шифохонага жойлаштирилган ва уларнинг аҳволи ҳозирда қониқарли.
Ҳарбий хизматчилар ҳалок бўлганидан сўнг Туркия президенти Ражаб Тоййиб Эрдўғон хавфсизлик масалалари бўйича йиғилиш ўтказди. Шундан кейин Анқара Идлибдаги Сурия армиясига жавоб зарбаларни амалга оширди. Турк президенти администрациясининг маълум қилишича, ҳарбийлар Сурия қўшинларига қарши ҳаво ва ердан ҳужум қилмоқда.
Аввалроқ Туркия ҳарбий карвони Суриянинг Идлиб вилояти Ал-Бара қишлоғида Сурия ҳукумати қўшинларининг ҳужумига учрагани ва оқибатда турк колоннасининг 65 та автомобили шимолга чекинишга мажбур бўлгани ҳақида хабар берилганди.
Изоҳ (0)