Эроннинг Ватикан ва Эрон давлатларидаги собиқ элчиси Хади Хисравшоҳий коронваирус билан касалланиб вафот қилди, дея хабар берган IRNA агентлиги.
Хади Хисравшоҳий Теҳрондаги касалхонлардан бирига олиб келинган. Унинг коронавирусга топширган таҳлиллари ижобий натижа кўрсатган ва эртаси куни собиқ элчининг вафот этгани маълум қилинган.
27 февралда Эроннинг хотин-қизлар ва оила масалалари бўйича вице-президент Маъсума Эбтекарнинг коронавирус билан касаллангани хабар қилинган. Аёл таҳлилларни 26 февралда топширган ва эртасига тонгда ташхис ўз тасдиғини топган. Икки кун аввал Эрон соғлиқни сақлаш вазирининг ўринбосари Ирож Ҳарирчининг коронавирус билан касаллангани маълум бўлган. Топширилган тест натижалари Эрон Мажлисининг миллий хавфсизлик масалалари қўмитаси раҳбари Мужоб Зоннур, депутат Маҳдум Содиқийда ҳам ижобий натижа кўрсатган.
Мавзуга доир:
Коронавирус тарқалганидан кейин Россия Эрон билан авиақатновларни чеклаб қўйди. 28 февралдан бошлаб ушбу йўналишда парвозни амалга ошириш фақар «Аэрофлот» ҳамда Mahan Air компанияларига рухсат этилади. Ушбу компаниялар самолётлари Шереметево аэропортида фақат Ф терминалга келиб қўниши мумкин.
Россия ТИВ фуқароларгга коронавирус эпидемияси сабаб бир нечта мамлакатлар, жумладан Эронга бормасликни тавсия қилган. Ростуризм эса Россиядаги туроператорлардан ушбу мамлакат ҳудудига саёҳатлар ташкиллаштиришни вақтинча тўхтатишни илтимос қилган.
Изоҳ (0)