Bank of America йил сўнгида охирги иқтисодий инқироздан ҳам оғир дамлар келишини тахмин қилди

2020 йил жаҳон иқтисодиёти учун 2009 йилда якунига етган ва ҳозирча охирги глобал иқтисодий инқироз давридагидан ҳам оғир йўқотишларга учрайди, деб ёзган Bank of America экспертларининг маълумотига таяниб Business Insider нашри.

Иқтисодий ўсиш суръатлари йил охирида 2,8 фоизгача пастлайди, 2009 йилдан бери ушбу кўрсаткич мунтазам равишда ўсиб келаётганди ва доим 3 фоиздан юқори бўлаётганди. Бундай пастлашнинг асосий сабабларидан бири сифатида коронавирус эпидемияси оқибатида Хитой иқтисодиётидаги секинлашув кузатилгани деб баҳоланмоқда.

«Ўсиш суръатлари коронавирус тарқалганидан кейин бошланган шок ҳолати олдидан анча заиф эди. Аммо Хитой ҳукуматининг тажовузкор карантин чоралари 2020 йил биринчи чораги мамлакат учун анча кучсиз ўтишига ишора қилмоқда», — дея Bank of America иқтисодчиси Адитя Бхаве сўзларини келтирган Business Insider.

Хитой иқтисодиётининг ўсиши бўйича прогнозлар ҳам камайган: аввал кутилган 5,6 фоиз ўрни, энди 5,2 фоиз бўлиши мумкин.

«Хитойда давом этаётган иқтисодий беқарорлик етказиб беришнинг глобал занжирларига зарар келтиради. Туристлар оқимининг камайиши ҳам Осиё учун яна бир қарама-қарши эсган шамол бўлади. Бундан ташқари бошқа мамлакатлар, масалан Италияда коронавируснинг тарқалиши ҳам ҳамма жойда карантинни кучайиши ва бозорда ишончнинг камайишига олиб келади», — деган Бхаве.

Global иқтисодиётга инфекция тарқалиши билан бирга Америка-Хитой савдо уруши ҳам, АҚШда ўтадиган президентлик сайловлар ҳам салбий таъсир қилиши мумкин.

«Лекин биз энг ёмон якун билан тугайдиган сценарийларни ҳам кўриб чиқяпмиз, бирус бутун дунёда тарқалса иқтисодий йўқотишлар жуда катта бўлади», — деган Георгиева.

Oxford Economics таҳлилчилар марказининг баҳо беришича, янги турдаги коронавирус тарқалиши оқибатида дунё ЯИМ ҳажми 2020 йилда 1,1 триллион долларни ташкил этиши мумкин.

27 февралда беш кун давомида Лондон биржасида нархи пастлаган Brent нефти баррели учун 51 долларгача арзонлашди. Нефть нархи бир кунда 5 фоизга пастлади. Brent охирги марта 2018 йилнинг декабрь ойида бундай котировкаларда қолиб кетган.