Turkiya armiyasi Idlib viloyatidagi Suriya hukumat qo‘shinlariga tegishli otryadni yo‘q qildi. Bu haqda Daily Sabah gazetasi o‘zining Twitter’dagi sahifasi orqali ma’lum qildi.
Ta’kidlanishicha, Suriya qo‘shinlari M-5 avtomobil yo‘lida o‘qqa tutilgan. Halok bo‘lganlar va jarohat olganlar haqida ma’lumot yo‘q.
Avvalroq Suriya kuchlari tomonidan Idlib viloyatidagi turk harbiy xizmatchilariga aviazarbalar berilgani va buning oqibatida 33 nafar turk harbiysi halok bo‘lgani haqida xabar berilgandi. Turk kolonnasining 65 ta avtomobili shimolga chekinishga majbur bo‘lgan.
Shundan so‘ng Turkiya hukumati Suriyada halok bo‘lgan harbiy xizmatchilar haqida yolg‘on ma’lumotlar tarqalib ketmasligi uchun mamlakatda ijtimoiy tarmoqlarni bloklab qo‘ydi.
Izoh (0)