Ўзбекистон Республикаси Президенти Шавкат Мирзиёев 6 февраль, пайшанба куни, нефть-газ саноатидаги ишлар натижадорлиги, табиий газ ва суюқ углеводородлар қазиб олиш ҳажмини ошириш бўйича 2020 йилги вазифалар муҳокамасига бағишланган йиғилиш ўтказгани ҳақида хабар берилган эди.
Йиғилишда Шавкат Мирзиёев томонидан Ўзбекистон Энергетика вазирлигига бир қатор топшириқлар берилди. Жумладан, табиий газ қазиб олишни 2019 йилгига нисбатан 4,3 миллиард куб метрга кўпайтириш вазифаси қўйилди. Шунингдек, «Ўзбекнефтгаз» компаниясига ҳар бир коннинг ҳолатини танқидий таҳлил қилиб, табиий газ қазиб чиқариш ҳажмини ошириш вазифаси юклатилди.
Бундан ташқари, соҳадаги барча корхоналарда коррупцияга қарши курашиш бўйича «комплаенс назорат» тизими жорий этилиши белгиланди. Нефть-газ соҳасини ислоҳ қилиш бўйича лойиҳа офисига илғор халқаро консалтинг компанияларини жалб қилиш ҳамда корхоналарда раҳбар ходимларнинг маошини фаолият самарадорлигини баҳолаш кўрсаткичларига (KPI) боғлаш кераклиги қайд этилди.
Шунингдек, ушбу йиғилишда Шўртан газ-кимё мажмуасида синтетик суюқ ёқилғи (GTL) ишлаб чиқариш заводи қурилишининг бориши кўриб чиқилди. Соҳа корхоналарида «рақамли кон», хўжалик бошқаруви ва ресурсларнинг автоматлаштирилган ҳисобини юритиш дастурларини (ERP) жорий этиш бўйича топшириқлар берилди.
Изоҳ (0)