Ўзбекистонда истеъмолчиларга суюлтирилган газ етказиб бериш учун мўлжалланган 835 та автотранспорт воситаси назорат тарозилари билан тўлиқ таъминланди. Бу ҳақда «Ҳудудгазтаъминот» АЖ матбуот хизмати маълум қилди.
Истеъмолчилар суюлтирилган газ баллонларини қабул қилганда суюлтирилган газнинг белгиланган сифатда ва ҳажмда етказиб берилишини талаб қилиш, газ миқдорини назорат тарозиларида ўлчаб кўриш, белгиланган миқдорда бўлмаган суюлтирилган газни олишдан бош тортишга ҳақи бор.
Мутасаддилар газ баллонларига суюлтирилган газ белгиланган миқдордан кам қуйилганлиги ёки шу каби ҳолатлар билан боғлиқ қонунбузарлик ҳолатлари кузатилган тақдирда ҳудудлардаги газ таъминоти корхоналарининг ишонч телефонлари ёки Facebook’даги «Газ таъминоти муаммолари ва уларни ҳал этиш йўллари» гуруҳига мурожаат қилишни сўраган.
Маълумот учун, жорий йил ҳар бир истеъмолчини махсус ID карталар билан таъминлаш ҳамда маиший газ баллонларига махсус ёрлиқлар ёпиштириш орқали суюлтирилган газни истеъмолчи томонидан қабул қилиш ва тўловни амалга оширишда очиқлик ва шаффофлик яратиш ҳамда ҳисоб-китоб тизимини автоматлаштириш кўзда тутилмоқда.
Изоҳ (0)