O‘zbekistonda iste’molchilarga suyultirilgan gaz yetkazib berish uchun mo‘ljallangan 835 ta avtotransport vositasi nazorat tarozilari bilan to‘liq ta’minlandi. Bu haqda “Hududgazta’minot” AJ matbuot xizmati ma’lum qildi.
Iste’molchilar suyultirilgan gaz ballonlarini qabul qilganda suyultirilgan gazning belgilangan sifatda va hajmda yetkazib berilishini talab qilish, gaz miqdorini nazorat tarozilarida o‘lchab ko‘rish, belgilangan miqdorda bo‘lmagan suyultirilgan gazni olishdan bosh tortishga haqi bor.
Mutasaddilar gaz ballonlariga suyultirilgan gaz belgilangan miqdordan kam quyilganligi yoki shu kabi holatlar bilan bog‘liq qonunbuzarlik holatlari kuzatilgan taqdirda hududlardagi gaz ta’minoti korxonalarining ishonch telefonlari yoki Facebook’dagi “Gaz ta’minoti muammolari va ularni hal etish yo‘llari” guruhiga murojaat qilishni so‘ragan.
Ma’lumot uchun, joriy yil har bir iste’molchini maxsus ID kartalar bilan ta’minlash hamda maishiy gaz ballonlariga maxsus yorliqlar yopishtirish orqali suyultirilgan gazni iste’molchi tomonidan qabul qilish va to‘lovni amalga oshirishda ochiqlik va shaffoflik yaratish hamda hisob-kitob tizimini avtomatlashtirish ko‘zda tutilmoqda.
Izoh (0)