Жорий йилнинг январь ойида Самарқанд вилоятида поезд уриб кетиши оқибатида уч киши ҳалок бўлган. Бахтсиз ҳодисалар қурбонларининг бири 8-синф ўқувчиси бўлган. Бу ҳақда Самарқанд вилояти ИИБ Транспортда хавфсизликни таъминлаш бошқармасига таяниб, Zarnews хабар берди.
Маълум қилинишича, дастлабки ҳолат 2 январь куни соат 12:31 да Тошкент—Самарқанд—Қарши йўналишида қатновчи «Насаф» йўловчи поезди билан юз берган. Поезд Пастдарғом тумани «Кичик Найман» маҳалласи ҳудудида ҳаракатланиб кетаётган вақтда шу маҳаллада яшовчи фуқаро, мавсумий ишчи Ҳ.Ю.ни уриб кетган. Оқибатда мазкур фуқаро жароҳат олиб, воқеа жойида вафот этган.
Шунингдек, 2020 йил 10 январь куни соат 20:29 да Москва—Тошкент йўналиши бўйича ҳаракатланган поезд Зарафшон ва Жомбой темир йўл бекатлари оралиғидаги «Чўпонота» маҳалласи ҳудудида ҳаракатланиб келаётган вақтда Фарҳод шаҳарчасида яшаган Р.Б.ни уриб кетган. Ҳодиса оқибатида аёл жароҳат олиб, воқеа жойида вафот этган.Мавзуга доир: Наманган ва Самарқандда поездлар одам босиб кетди
Шу билан бирга, 11 январь куни соат 14:10 да Пахтачи тумани Зиёвуддин темир йўл бекатидаги Зиёвуддин—Тинчлик йўналишида Навоий кон-металлургия комбинатига қарашли руда ортилган юк поезди Пахтачи тумани «Янгиобод» маҳалласи ҳудудида ҳаракатланиб кетаётганида бахтсиз ҳодиса юз берган. «Мажор» маҳалласида яшовчи, 1990 йилда туғилган вақтинча ишсиз фуқаро Фаррух Ҳайдаров юк вагони устига чиқиб, руда тошларни талон-торож қилмоқчи бўлганида, эҳтиётсизлиги натижасида вагондан тушиб кетган. Унинг ўнг оёғи тизза болдир қисмини вагон ғилдираклари кесиб кетган ва жиддий жароҳат олган.
Изоҳ (0)