Бош прокуратура ҳузуридаги департаментнинг Жиззах шаҳар бўлими томонидан ўтказилган терговга қадар текширувда шаҳардаги 1-сонли умумий ўрта таълим мактабининг мансабдор шахслари 12 нафар фуқаронинг мактабда ишлаганлиги ва дарс соатлари ўтганлиги ҳақида ҳужжатларга сохта маълумотлар киритгани маълум бўлди, деб хабар беради Бош прокуратура.
Таъкидланишича, қонунбузарлик сабаб жами 201,1 миллион сўм талон-торож қилинган.
Мазкур ҳолат юзасидан 1-сонли умумий ўрта таълим мактаби мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)