2019 йилнинг октябрь ойида Самарқанд вилоятининг Пайариқ туманида қасддан одам ўлдирган икки ўқитувчига жиноят иши қўзғатилгани ҳақида хабар берилди. Самарқанд вилояти жиноят ишлари бўйича вилоят суди судья катта ёрдамчиси Отабек Қодировга таяниб, Zarnews’нинг маълум қилишича, ушбу икки ўқитувчига нисбатан суд жараёнлари бошланган.
Жиноят ишидаги ҳужжатларга кўра, Пайариқ тумани халқ таълими бўлимига қарашли 40-умумтаълим мактаби ўқитувчиси вазифасида ишлаб келган фуқаро ўта оғир жиноятни қасддан содир этган.
Жумладан, С.А. 2019 йил 23 октябрь куни 40-умумтаълим мактаби ўқитувчиси, яъни аммаваччаси Б.Х. билан ўзлари яшаб келаётган Пайариқ тумани Накурт маҳалласи Қўшилиш қишлоғида яшовчи Ш.Ч.нинг яшаш уйида бўлган тўй маросимида спиртли ичимлик истеъмол қилган.
Спиртли ичимлик таъсирида бўлган ўқитувчилар соат 18:00 да уйга қайтаётган вақтида қишлоқ ички йўли бўйлаб Қўшработ тумани Қувкалла қишлоғида яшовчи, Пайариқ тумани ветеринария ва чорвачиликни ривожлантириш бўлими мудири С.У. билан юзага келган келишмовчилик оқибатида қасддан уни уриб ўлдирган.
Собиқ ўқитувчиларга нисбатан 2019 йил 25 октябрь куни қамоқ эҳтиёт чораси қўлланилган.
Мавзуга доир:
Изоҳ (0)