«Сирдарё йўллардан мунтазам фойдаланиш» унитар корхонаси раҳбари О.Х. ва бошқалар Чиноз—Гулистон йўлининг 59—68-километрида олиб борилган реконструкция ишларида йўл четига муҳофазаловчи тўсиқлар ўрнатилганлиги тўғрисида далолатномага сохта маълумотлар киритгани аниқланди. Бу ҳақда Бош прокуратура ҳузуридаги департаментнинг Сирдарё тумани бўлими томонидан ўтказилган терговга қадар текширувида маълум бўлди.
Таъкидланишича, 470 дона муҳофазаловчи тўсиқлар ўрнатилмасдан, жами 614,7 миллион сўм бюджет маблағларини талон-торож қилинган.
Мазкур ҳолат юзасидан «Сирдарё йўллардан мунтазам фойдаланиш» унитар корхонаси раҳбари О.Х. ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)