Президент Шавкат Мирзиёев 31 январь куни олимлар ва ёш тадқиқотчилар билан бўлиб ўтган учрашувда Ўзбекистон Миллий университетининг 2-курс магистратура талабаси Юсуф Абсоатовни олий ва ўрта махсус таълим вазири ўринбосари лавозимига тавсия қилди, дея хабар бермоқда «Дарё» мухбири.
Учрашувда сўзга чиққан Юсуф Абсоатов таълим соҳасига оид таклифларни илгари сурган. Жумладан, у ОТМлар ва мактабларни электрон тарзда ўзаро улаб, онлайн дарслар ташкил этиш ғояси ҳақида сўзлаб берган. Шунингдек, қишлоқларда интернет сифатини ошириш муҳим аҳамиятга эга эканлигини таъкидлаган.
Президент, 30 ёшли магистрантнинг сўзларини тинглаб, уни олий ва ўрта махсус таълим вазирининг янги таъсис этилиши кутилаётган ахборот технологиялари бўйича ўринбосари лавозимига тавсия қилган.
Худди шу тадбирдан бошқа янгиликлар:
- Шавкат Мирзиёев амалдорлар мол-мулкининг даромадига мувофиқлиги текширилиши ҳақида гапирди
- Шавкат Мирзиёев — коронавирус ҳақида: «Халқимиз хавфсизлигини ўйлашимиз керак»
- Президент туманлар марказида математика фанига ихтисослаштирилган мактаб ташкил этиш ҳақида кўрсатма берди
- Шавкат Мирзиёев олимларни моддий ва маънавий қўллаб-қувватлаш давом эттирилишини айтди
Изоҳ (0)