Президент Шавкат Мирзиёев 31 январь куни Давлат геология ва минерал ресурслар қўмитасида олимлар ва ёш тадқиқотчилар билан бўлиб ўтган учрашувда коррупцияга қарши кураш масаласи ўта долзаб ва жиддийлигига тўхталаркан, Ўзбекистондаги божхона постларидан бирининг раҳбари содир этган қонунга зид ҳаракатлар ҳақида айтиб ўтди, дея хабар бермоқда «Дарё» мухбири Мусулмонбек Иброҳимов.
Шавкат Мирзиёевнинг таъкидлашича, коррупция ҳолатларининг олдини олиш мақсадида ўтказилган чора-тадбирлар вақтида «бир кичкина божхона пости раҳбари»нинг уйидан 400 минг доллар пул чиққан.
«Дунё ҳамжамияти бизни тан олсин деб шунча ҳаракат қилиб ётибмиз, битта постнинг бошлиғи эса 400 минг доллар ўғирлаб турса — нима бўлади?», — дея савол қўйди шу ҳолат юзасидан давлат раҳбари.
Эслатиб ўтамиз, Президент Шавкат Мирзиёев Олий Мажлисга 2020 йилги Мурожаатномасида Ўзбекистонда коррупцияга қарши курашишга масъул бўладиган алоҳида орган ташкил этишни таклиф қилганди. 31 январдаги учрашув вақтида эса давлат раҳбари янги ташкилотнинг асосий фаолият йўналишларидан бири қандай бўлиши ҳақида тўхталиб ўтди.
Худди шу тадбирдан бошқа янгиликлар:
- Шавкат Мирзиёев амалдорлар мол-мулкининг даромадига мувофиқлиги текширилиши ҳақида гапирди
- Шавкат Мирзиёев — коронавирус ҳақида: «Халқимиз хавфсизлигини ўйлашимиз керак»
- Президент туманлар марказида математика фанига ихтисослаштирилган мактаб ташкил этиш ҳақида кўрсатма берди
- Шавкат Мирзиёев олимларни моддий ва маънавий қўллаб-қувватлаш давом эттирилишини айтди
Изоҳ (0)