Хитойнинг Ухань шаҳрида тарқалишни бошлаган коронавирусдан ҳозиргача 170 киши вафот этди. Вирусни юқтириб олганлар эса 7711 кишига етди. Вирусни ҳатто Хитойга бормаганлар ҳам юқтириб олган ҳолатлар қайд этилди. Коронавирусдан ҳимояланиш учун бутун дунёда амалга оширилаётган ишлар ҳақида Reuters фотогалерея эълон қилди.
Бангкокдаги аэропортда Thai Airways экипажи аъзолари самолёт кабинасини дезинфекция қилмоқда.
Мавзуга доир: Бутун дунё бўйлаб авиакомпаниялар коронавирус сабабли Хитойга парвозларни бекор қилмоқда
БААда коронавирус билан касалланишнинг илк ҳолати қайд этилганидан сўнг Дубай аэропортига келиб қўнган саёҳатчи ҳимоя ниқобини тақиб олмоқда.
Куала-Лумпурдаги савдо маркази яқинида ниқоб тақиб ўйнаётган қизалоқ.
Куала-Лумпурдаги дорихонада барча турдаги ҳимоя ниқоблари сотиб бўлингани ҳақида эълон осиб қўйилган.
Мельбурнда ниқоб таққан қиз мушукни ушлаб турибди. Ҳозирда Австралияда ҳам коронавирус билан касалланиш ҳолати қайд этилган.
Непалда коронавирус билан касалланишнинг илк ҳолати қайд этилганидан сўнг мактаб ўқувчилари ҳимоя ниқобларини тақишни бошлади.
Хитойнинг Хунань провинциясида ниқоб тақиб олган такси ҳайдовчиси.
Сеулда саёҳатчилар коронавирусдан ҳимояланиш учун ниқоб тақиб олган.
Торонто шаҳридаги Чайнатаунда ниқоб таққан официант мижозларга хизмат кўрсатмоқда. Канадада коронавирус билан касалланишнинг учта ҳолати қайд этилган.
Ар-Риёд аэропортида Хитойдан келиб қўнган самолёт йўловчилари Саудия Арабистони соғлиқни сақлаш ходимлари томонидан текширилмоқда.
Хитойнинг Хунань провинциясидаги ерости автотураргоҳини ишчилар дезинфекция қилмоқда.
Шанхайдан келиб қўнган самолёт йўловчилари Лос-Анжелес аэропортини тарк этмоқда.
Жанубий Кореянинг Инчхон аэропортига Хитойдан учиб келган самолёт йўловчиси текширилмоқда.
Гонконгда харидор супермаркетнинг бўшаб қолган пештахталари олдидан ўтмоқда.
Бангкокда ниқобда юрган одамлар.
Инчхон аэропортига Хитойдан учиб келган йўловчилар текширувдан ўтишни кутмоқда.
Иордания пойтахти Аммандаги коронавирус билан зарарланганларни қабул қилишга мўлжалланган шифохонанинг махсус бўлимидаги хавфсизлик ходими.
Изоҳ (0)