АҚШ Федерал захираси тизими (Марказий банк ваколатларини бажаради) базавий фоиз ставкасини йиллик 1,5—1,75 фоиз даражасида ушлаб қолди. «Коммерсантъ»нинг хабар беришича, бу ФЗТ сиёсатини енгиллаштиришда узоқ вақт пауза бўлишини тахмин қилган мутахассисларнинг кутганлари билан мос келди.
«Амалдаги пул-кредит сиёсати иқтисодий фаолликнинг барқарор ўсишини, кучли меҳнат бозори ва инфляциянинг мақсад қилинган 2 фоизи даражасига яқин бўлишини таъминлаш учун мос келади», — дейилади хабарда.
Декабрь ойида регулятор ҳам базавий ставкани сақлаб қолган эди. Унга қадар ФЗТ базавий ставкани сўнгги уч йиғилишда кетма-кет 3 марта пасайтирган эди.
Изоҳ (0)