Хитойнинг Ухань шаҳри мэри Чжоу Сянван 20 январь ҳолатига янги турдаги коронавирус юқтириб олиб пневмонияга учраб ҳалок бўлган беморлар сони олти нафарига етганини маълум қилди.
Вилоят ҳокими марказий телевидениега берган интервьюсида Уханда янги вирусдан зарарланиш бўйича 258 та ҳолат қайд этилганини билдирган. Шифохоналарда 227 нафар бемор даволанмоқда, уларнинг 51 нафари оғир, 12 нафари ўта оғир аҳволда.
Номаълум турга мансуб коронавирус хавфи туфайли Европанинг бир нечта компанияси охирги уч ҳафтада жиддий молиявий зарар кўрган, деб ёзмоқда Reuters. Air France, Lufthansa ва IAG (British Airways’га қарашли компания) ва люкс синфга кирувчи аксессуарлар ва кийимларнинг LVMH, Hermes, Kering ва Burberry фирмаларининг акциялари нархи сезиларли даражада пасайган.
20 январь ҳолатига Хитой ҳукумати маълумотига кўра коронавирус билан касалланиш ҳолатларинигн 291 таси қайд этилган. Ухандан ташқари мамлакатнинг яна олтита вилоятида, жумладан, Пекин ва Шанхайда ҳам ушбу вирус тарқалган. Гонконг университети олимлари вируснинг Хитойдаги 20 та шаҳарда тарқалганини билдирган, бироқ ушбу маълумот расман ўз тасдиғини топмаган.
Мавзуга доир:
Изоҳ (0)