Edelman компанияси таҳлилчилари одамларнинг ижтимоий институтларга бўлган ишончи бўйича ўзларининг ҳар йилги Edelman Trust Barometer рейтингини тақдим этди, деб хабар бермоқда Meduza. Рейтинг сўровнома асосида тузилган бўлиб, унда Гонконг ва дунёнинг 27 мамлакатида яшовчи 34 минг нафар киши иштирок этган.
2019 йилнинг октябрь—ноябрь ойларида ўтказилган тадқиқотдан кўринишича, сўровномада иштирок этганларнинг 56 фоизи капитализм ҳозирги кўринишида фойдадан кўра зарар келтиради деган фикрда. 74 фоизи жамиятда адолатсизлик ҳис қилаётганини айтган, тахминан яна шунчаси ўзгаришларни хоҳлаган.
Шунингдек, иштирокчиларнинг 47 фоизи 5 йилдан сўнг улар ва оила аъзолари ҳозиргидан кўра яхшироқ яшашига умид билдирган. Россияда 34 фоиз аҳоли шундай фикрда, Кенияда — 90 фоиз, Индонезияда — 80 фоиз ва Ҳиндистонда бундай оптимист фикрловчилар сони 77 фоизни ташкил этган.
Бу борада энг пессимист кайфият Япония (15 фоиз), Франция (19 фоиз) ва Германия (23 фоиз) аҳолисида кузатилган.
Қайд этилишича, сўровнома иштирокчиларининг 83 фоизи ўз ишидан айрилиб қолишидан қўрқишини билдирган.
Ўтказилган сўровнома натижалари одамларнинг бизнесга, ҳукуматга ва нотижорат ташкилотларга ва ОАВларга ишончи пасайганини кўрсатган.
Изоҳ (0)