Хитойнинг марказий қисмида жойлашган Ухан шаҳри расмийлари йўловчилар оқимига қатъий назорат ўрнатди ва коронавирус сабабли пневмониянинг янги тури пайдо бўлгани ва тез тарқалгани туфайли бир гуруҳ сайёҳларнинг бошқа ҳудудларга чиқишини тақиқлади. «ТАСС»нинг хабар беришича, бундай маълумотни гигиена ва соғлиқни сақлаш масалари бўйича маҳаллий қўмита тарқатган.
Янги қоидага кўра, фавқулодда тартиб куну тун амал қилади. Полиция транспорт воситаларини текширишни кучайтира бошлади, парранда ва уй ҳайвонларини ташиш тақиқланди.
Вирус тарқалишни бошлаган Ухандаги аэропортлар, темирйўл станциялари ва автобус терминалларига ўтган ҳафтадаёқ иссиқлик детекторлари ўрнатилган.
Якшанба кунидан бошлаб чет элга саёҳат қилиш учун шаҳарни тарк этаётган барча шахслар яхшилаб текширилмоқда. Шу билан бирга, Уханда 3 та касалхонада янги коронавирус билан касалланган беморларни қабул қилиш учун 800 та жой ажратилган.
Айни пайтда мамлакатда пневмониянинг янги тури билан касалланиш бўйича 224 та ҳолат қайд этилган.
Изоҳ (0)