Xitoyning markaziy qismida joylashgan Uxan shahri rasmiylari yo‘lovchilar oqimiga qat’iy nazorat o‘rnatdi va koronavirus sababli pnevmoniyaning yangi turi paydo bo‘lgani va tez tarqalgani tufayli bir guruh sayyohlarning boshqa hududlarga chiqishini taqiqladi. “TASS”ning xabar berishicha, bunday ma’lumotni gigiyena va sog‘liqni saqlash masalari bo‘yicha mahalliy qo‘mita tarqatgan.
Yangi qoidaga ko‘ra, favqulodda tartib kun-u tun amal qiladi. Politsiya transport vositalarini tekshirishni kuchaytira boshladi, parranda va uy hayvonlarini tashish taqiqlandi.
Virus tarqalishni boshlagan Uxandagi aeroportlar, temiryo‘l stantsiyalari va avtobus terminallariga o‘tgan haftadayoq issiqlik detektorlari o‘rnatilgan.
Yakshanba kunidan boshlab chet elga sayohat qilish uchun shaharni tark etayotgan barcha shaxslar yaxshilab tekshirilmoqda. Shu bilan birga, Uxanda 3 ta kasalxonada yangi koronavirus bilan kasallangan bemorlarni qabul qilish uchun 800 ta joy ajratilgan.
Ayni paytda mamlakatda pnevmoniyaning yangi turi bilan kasallanish bo‘yicha 224 ta holat qayd etilgan.
Izoh (0)