Россия президенти Владимир Путин ғалабанинг 75 йиллиги муносабати билан Иккинчи Жаҳон уруши қатнашчиларини қандай тақдирлашни режалаштираётганини маълум қилди, деб хабар берди «РИА Новости».
Фото: Meduza
«Одатда ғалаба куни муносабати билан уруш қатнашчиларига ўн минг рубл, фронт орти меҳнаткашларига беш минг рублдан бир марталик мукофот пули берилар эди. Лекин бу сафар мукофот пули миқдори ғалабанинг 75 йиллиги муносабати билан боғлиқ бўлади. Иккинчи жаҳон уруши қатнашчиларига 75 минг рубль (1217 доллар) ва фрон орти меҳнаткашларига 50 минг рубль (812) дан мукофот пули берилади», — деди Путин Петербург шаҳридаги жамоат ватанпарвар ташкилотлари вакиллари ва уруш фахрийлари билан учрашувда.
Путиннинг қўшимча қилишича, у қарорни оқилона деб ҳисоблайди ва бутун мамлакат бўйлаб байрамга тайёргарлик кўраётганда фахрийларни қўллаб-қувватлаш учун бир қатор тадбирлар ўтказилишига умид билдирди. Бундан ташқари, давлат раҳбари кўнгиллиларнинг ёрдамига таянади.
