AQSh Boeing korporatsiyasi 737 Max samolyotlari uchun ishlab chiqilgan dasturiy ta’minotda yana bir muammoni aniqladi, deb xabar bermoqda Reuters kompaniya bayonotiga tayanib. Unda ta’kidlanishicha, aniqlangan muammo ushbu modeldagi samolyotning parvozlarga qaytishini kechiktirishi mumkin.
“Kommersant”ning yozishicha, muammo texnik ko‘rikdan o‘tkazish va yangilangan dasturiy ta’minotni ishlab chiqish yakunlangunga qadar aniqlangan. Kompaniya vakilining aytishicha, muammo ayrim tizim monitorlarining to‘g‘ri ishlashini tekshiradigan dasturiy ta’minot funksiyasi bilan bog‘liq.
Ma’lumot uchun, Boeing aviakompaniyasining eng yangi layneri bo‘lgan 737 Max sotuvi va parvozlari 2019-yil martidan beri shu rusumga mansub ikki samolyot Efiopiya va Indoneziyada qulagani va 340 nafardan ortiq yo‘lovchi halok bo‘lganidan so‘ng butun dunyo bo‘ylab to‘xtatilgandi.
Milliardlab dollar yo‘qotishga olib kelgan kompaniya inqirozi sharotida Boeing rahbari Dennis Myulenburg iste’foga chiqqan edi. Kompaniya esa 2020-yildan boshlab 737 Max samolyotlari ishlab chiqarilishini to‘xtatishga qaror qilgan.
Izoh (0)