Футбол бўйича Италия А Сериясининг 18-тури доирасида 6 январь, душанба куни 4 та учрашув бўлиб ўтди.
Маурицио Сарри қўл остидаги Туриннинг «Ювентус» клуби ўз майдонида «Кальяри»ни синовдан ўтказди.
Беллашув давомида «кекса синьора» етакчиси Криштиану Роналду (49, 67 — пенальти, 82) ҳет-трикка эришган бўлса, Гонсало Игуаин (81) ўз ҳисобига битта гол ёздириб қўйди.
Шу тариқа туринликлар ўз уйида кечган баҳсда «Кальяри» дарвозасига жавобсиз 4 та гол уриб, йирик ҳисобда ғалаба қозонди (4:0).
Ушбу ғалабадан сўнг «Ювентус» очколари сонини 45 тага етказиб олди ва жамоа мусобақа жадвалида етакчилик қилмоқда. «Кальяри» эса 29 очко билан 6-поғонада бормоқда.
Шу куни Стефано Пиоли бошқарувидаги «Милан» эса «Джузеппе Меацца»да «Сампдория»ни қабул қилди.
Ўйинда томонлар дарвозасига гол урилмади ва жамоалар бир очкодан бўлишиб олди (0:0).
Маълумот учун, миланликлар 22 очко тўплаб, мусобақа жадвалида 12-ўринни эгаллаб турибди. «Сампдория» эса 16 очко билан 16-ўринни банд қилиб турибди.
А Серия
18-тур баҳслари
6 январь, душанба
«Болонья»—«Фиорентина» 1:1
Голлар: 0:1 — 27 Бенасси, 1:1 — 90 Орсолини«Аталанта»—«Парма» 5:0
Голлар: 1:0 — 11 Гомес, 2:0 — 34 Фройлер, 3:0 — 43 Госенс, 4:0 — 60 Иличич, 5:0 — 71 Иличич«Ювентус»—«Кальяри» 4:0
Голлар: 1:0 — 49 Роналду, 2:0 — 67, пенальти Роналду, 3:0 — 81 Игуаин, 4:0 — 82 Роналду«Милан»—«Сампдория» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)