«Фламенго» клуби ҳимоячиси Филипе Луис «Реал»га ўтишга яқин турган жамоадоши Рейньер ҳақидаги фикрлари билан ўртоқлашди.
«У 17 ёшда бўлишига қарамай майдонда тўғри қарор чиқара олиши мени ҳайрон қолдиради. Узатма амалга ошириш керак-ми, Рейньер бу ишни қилади. У доим бошини тик кўтарган ҳолда ўйнайди.
Бу ҳақиқатда яхши топилма, «Реал»ни табриклайман. Рейньер ҳали тўлиқ тайёр эмас, унинг ёшида ҳеч ким бундай юқори сакрашга тайёр бўлмайди. У энди 17 ёшда, аммо унда юксак салоҳият бор ва Рейньерни ёрқин келажак кутиб турибди.
Мен бир вақтлар Кака мана шундай бошини эгмаган ҳолда ҳаракат қилганини ва рақиб жарима майдонида ўта хавфли бўлганини эслайман. Дарвозага тескари ҳаракатда у Какадан ҳам яхшироқ ўйнайди. Бироқ улардан қай бири яхшилигини вақт кўрсатади», — дейди «Атлетико» собиқ футболчиси.
Аввалроқ «Реал» 17 ёшли бразилиялик футболчини сотиб олишга яқин тургани хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)