АҚШнинг «Монреаль Импект» клуби бош мураббийи Терри Анри «Барселона»да иш бошлаши мумкин.
Diario Sport’нинг хабар қилишича, франциялик мутахассис жамоада Эрнесто Вальверденинг ўрнини эгаллаши мумкин. Анри «Барселона» спорт директори Эрик Абидал билан яхши муносабатда. Шунингдек у Лионель Месси, Серхио Бускетс ва Херард Пике каби футболчилар билан суҳбатлашиб туради. Бундан ташқари, ҳозирда «Барселона»да кўплаб франциялик футболчилар тўп сурмоқда.
«Барселона» президенти Жозеп Бартомеу ҳам жамоа собиқ ҳужумчисини бош мураббий ролида кўришга қарши эмас. Бироқ каталонияликлар раҳбарияти Вальверде билан тушунмовчилик юзага келмаслиги учун апрель ойига қадар бош мураббий масаласини кўтармоқчи эмас.
Эслатиб ўтамиз, Анри Бельгия терма жамоасида Роберто Мартинеснинг ёрдамчи мураббийи сифатида фаолият юритган ва кейинчалик «Монако» устозига айланганди. Бироқ Анри монаколиклар бошқарувида узоқ вақт ишлай олмаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)