«Вест Ҳэм» бош мураббийи Мануэль Пеллегрини эгаллаб турган лавозимидан озод этилди.
Англия Премьер Лигаси 20-тури доирасида Лондон клуби ўз майдонида «Лестер»га ютқазиб қўйди 1:2. Шундан сўнг клуб раҳбарияти чилилик мутахассис билан хайрлашига қарор қилган.
«Реал», «Манчестер Сити» каби клубларининг собиқ устози бўлган Мануэль Пеллегрини 2018 йил 22 майидан бери «Вест Ҳэм»ни бошқариб келаётганди.
Маълумот учун, «Вест Ҳэм» АПЛнинг жорий мавсумида 19 та ўйин ўтказиб, 19 очко билан мусобақа жадвалида 17-ўринни банд этиб турибди. Жамоа сўнгги бешта ўйиндан тўрттасида мағлуб бўлди.
Лондонликлар айни чоғда жамоа бош мураббийлигига Девид Моес ҳамда Тони Пулис каби мутахассисларнинг номзодини кўриб чиқмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)