АҚШнинг Виржиния штатида жойлашган Ферфакс округи мактаб ўқувчиларига ўқув йили давомида бир маротаба дарсга келмасдан «фуқаролик фаоллиги»ни намойиш этишга рухсат берилди. Ҳужжат муаллифлари мактаблар иштирокчиларнинг имкониятларини чеклаб қўймаслиги учун жумлани очиқламаган, деб ёзади The Washington Post.
Тахминларга кўра, бу турли намойишлар, маршлар ёки қонун чиқарувчилар билан учрашувларда керак бўлади.
Мазкур янгилик АҚШ тарихида биринчи бор ҳисобланади. Дарсларни 12—18 ёш оралиғидаги — ўрта ва юқори синф ўқувчилари қолдириши мумкин. Бунинг учун ўқувчи икки кун олдин нима сабабдан келмаслиги тўғрисида махсус бланкага ёзиши керак бўлади. Шунингдек, у ота-онасидан олинган рухсатни ҳам кўрсатиши керак. Мактаб ўқувчисининг дарсга келмаганини муҳокама қилиши мумкин, фақатгина тадбир ўтганидан кейин.
Ушбу ташаббусга мактаб ўқувчилари орасида норозилик фаоллигининг ўсаётгани сабаб қилиб кўрсатилмоқда. Кўпчилик намойишлар ва бошқа оммавий акциялар сабаб дарсларни қолдирмоқда.
Изоҳ (0)