AQShning Virjiniya shtatida joylashgan Ferfaks okrugi maktab o‘quvchilariga o‘quv yili davomida bir marotaba darsga kelmasdan “fuqarolik faolligi”ni namoyish etishga ruxsat berildi. Hujjat mualliflari maktablar ishtirokchilarning imkoniyatlarini cheklab qo‘ymasligi uchun jumlani ochiqlamagan, deb yozadi The Washington Post.
Taxminlarga ko‘ra, bu turli namoyishlar, marshlar yoki qonun chiqaruvchilar bilan uchrashuvlarda kerak bo‘ladi.
Mazkur yangilik AQSh tarixida birinchi bor hisoblanadi. Darslarni 12—18 yosh oralig‘idagi — o‘rta va yuqori sinf o‘quvchilari qoldirishi mumkin. Buning uchun o‘quvchi ikki kun oldin nima sababdan kelmasligi to‘g‘risida maxsus blankaga yozishi kerak bo‘ladi. Shuningdek, u ota-onasidan olingan ruxsatni ham ko‘rsatishi kerak. Maktab o‘quvchisining darsga kelmaganini muhokama qilishi mumkin, faqatgina tadbir o‘tganidan keyin.
Ushbu tashabbusga maktab o‘quvchilari orasida norozilik faolligining o‘sayotgani sabab qilib ko‘rsatilmoqda. Ko‘pchilik namoyishlar va boshqa ommaviy aksiyalar sabab darslarni qoldirmoqda.
Izoh (0)