Қашқадарё вилоятида жорий йилнинг 11 ойи давомида содир этилган жиноятларнинг 314 таси профилактика инспекторлари томонидан фош этилган. Бу ҳақда вилоят ИИБнинг матбуот анжуманида ҳуқуқбузарликлар профилактикаси бошқармаси бошлиғи Носир Назаров маълум қилди.
Носир Назаровнинг маълумот беришича, айни кунда вилоятда 768 нафар профилактика инспектори ҳамда уларнинг 742 нафар жамоат тартибини сақлаш бўйича ёрдамчиси фаолият кўрсатади.
Олиб борилган профилактик тадбирлар натижасида ўтган 11 ой давомида ёшлар томонидан содир этилган жиноятлар 2018 йилнинг айни шу давридаги кўрсаткич — 820 тадан 716 тага, яъни 104 тага камайган. Илгари судланганлар томонидан содир этилган жиноятлар эса 171 тадан 36 тага, аёллар томонидан содир этилган жиноятлар 239 тадан 212 тага, вояга етмаганлар томонидан содир этилган жиноятлар 33 тадан 22 тага камайган.
— Хусусан вилоятда қотиллик ўтган йилгига нисбатан 14 тага камайган бўлса, ўғрилик 211 тага камайган. Фирибгарлик 138 тага, товламачилик 9 тага камайишига эришдик, — дейди Носир Назаров.
Айтилишича, жорий йил жиноятчилик суръатининг пасайишига ҳисса қўшган профилактика инспекторларига 982 миллион 271 минг сўм, профилактика инспекторларининг жамоат тартибини сақлаш бўйича ёрдамчиларига эса 407 миллион 514 минг сўм миқдорида мукофот пули берилган.
Изоҳ (0)