Россиянинг Оренбург вилоятига жорий йил декабрь ойида Ўзбекистондан инфекция олиб кирилиши натижасида инфекцияга қарши илгари эмланмаган болалар ва катталар орасида қизамиқ касаллиги қайд этилди. Бу ҳақда «Роспотребнадзор» федерал хизматининг вилоят бошқармаси матбуот хизмати маълум қилди.
Беморларга юқумли касалликлар шифохоналарида стационар тарзда тегишли ёрдам кўрсатилмоқда.
«Роспотребнадзор» вилоят бошқармаси ҳамда вилоят гигиена ва эпидемиология федерал маркази мутахассислари томонидан эпидемиологик текширув ўтказилмоқда. Қизамиқнинг кейинги тарқалишининг олдини олиш учун зарур бўлган чора-тадбирлар амалга оширилмоқда.
Изоҳ (0)