Ҳиндистон шимолидаги Уттар-Прадеш штатидаги намойишлар чоғида икки кун давомида 11 киши ҳалок бўлди. Бу ҳақда The Times of India хабар бермоқда.
Норозилик намойишлари шу ойда бошланди. Уларга ватанида таъқибга учраётган Покистон, Афғонистон ва Бангладешдаги диний озчилик вакиллари учун осонлаштирилган тарзда фуқаролик бериш ҳақидаги қонун лойиҳаси сабаб бўлди.
Намойишларда ҳалок бўлган ва яраланганларнинг аксариятида ўқотар қуролдан олинган жароҳатлар қайд этилган. Айни вақтда, маҳаллий расмийлар полиция намойишчиларга қарата ўқ узганини инкор этмоқда. Мамлакат бўйлаб интернетдан узилиш ҳолатлари давом этмоқда.
Охирги маълумотларга кўра, 3300 нафардан зиёд намойишчи, жумладан, мухолифат етакчилари ушланган, улардан 200 нафари ҳибсга олинган. Мамлакатдаги айрим штатларда барча ўқув муассасалари ёпилган.
Изоҳ (0)