Германия ҳукумати АҚШнинг «Шимолий оқим-2» ва «Турк оқими» газ қувурларига қарши санкциялари кучга киргани муносабати билан афсус билдиради. Бу ҳақда ҳукумат вакили Улрика Деммер маълум қилди, дея хабар беради «Коммерсантъ».
Немис расмийлари Вашингтон жорий этган чекловларни Европа ишларига аралашиш ҳисобламоқда. «Германия бундай экстерриториал санкцияларни рад этади. АҚШ жорий этган чекловлар Германия ва Европа компанияларига таъсир қилади ҳамда Европа давлатлари ички ишларига аралашиш ҳисобланади», — дейилади баёнотда.
АҚШ президенти Дональд Трамп 20 декабрь куни имзолаган мамлакатнинг 2020-молиявий йил учун ҳарбий бюджети лойиҳасидан ушбу санкциялар ўрин олган. Қонун кучга кирганидан сўнг «Шимолий оқим-2» пудратчиси, Швейцариянинг Allseas компанияси газ қувури қурилишини тўхтатиб қўйди.
Изоҳ (0)