Куба ҳукумати миллий ассамблеяси Мануэль Марреро Крусни мамлакатнинг бош вазири лавозимига тасдиқлади. Бу ҳақда Куба парламентининг Twitter’даги расмий аккаунти хабар берган.
Крус 16 йил давомида Куба туризм вазири лавозимида ишлаган. Уни бош вазирликка номзод сифатида президент Мигел Диас-Канел тавсия қилганди.
Крус 43 йил ичида Кубада бош вазир лавозимига тайинланган биринчи номзод. Ундан аввалги бош вазир Фидел Кастро бўлган.
1976 йилда Кастро Куба конституциясига ўзгартириш киритган. У бош вазир лавозимини бекор қилган ва Давлат кенгашининг раисига айланган. Ушбу лавозим ижрочилар ва қонунчилик ҳукумати раҳбарларини бирлаштирган.
2019 йилда Кубада янги конституция қабул қилинди, унда президент ва бош вазир лавозимлари ҳукуматга қайтди. Мигел Диас-Канел эса октябрь ойида президент сифатида сайланган.
Изоҳ (0)