Kuba hukumati milliy assambleyasi Manuel Marrero Krusni mamlakatning bosh vaziri lavozimiga tasdiqladi. Bu haqda Kuba parlamentining Twitter’dagi rasmiy akkaunti xabar bergan.
Krus 16 yil davomida Kuba turizm vaziri lavozimida ishlagan. Uni bosh vazirlikka nomzod sifatida prezident Migel Dias-Kanel tavsiya qilgandi.
Krus 43 yil ichida Kubada bosh vazir lavozimiga tayinlangan birinchi nomzod. Undan avvalgi bosh vazir Fidel Kastro bo‘lgan.
1976-yilda Kastro Kuba konstitutsiyasiga o‘zgartirish kiritgan. U bosh vazir lavozimini bekor qilgan va Davlat kengashining raisiga aylangan. Ushbu lavozim ijrochilar va qonunchilik hukumati rahbarlarini birlashtirgan.
2019-yilda Kubada yangi konstitutsiya qabul qilindi, unda prezident va bosh vazir lavozimlari hukumatga qaytdi. Migel Dias-Kanel esa oktabr oyida prezident sifatida saylangan.
Izoh (0)