Энг кам иш ҳақининг бекор қилинганлиги муносабати билан қонун ҳужжатларига ўзгартиришлар киритиш давом этмоқда, деб хабар беради Норма.
Таъкидлаш керакки, декабрь ойининг бошларида 50 дан ортиқ қонунларга тегишли тузатишлар киритилган эди. Ҳозир Ўзбекистон Президентининг 90 та қарорига (фармонлар ва қарорлар) тузатиш киритилмоқда.
Қандай коэффициэнтлар ўзгартирилгани қуйида келтирилган (ҳозирда меҳнатга ҳақ тўлашнинг энг кам миқдори — 634 880 сўмни ташкил этади):
а) 1994 йил 1 сентябрдан бошлаб тўланаётган бола туғилганда бир йўла бериладиган нафақалар – 70,3 фоиз МҲЕКМ (илгари – 2 ЭКИҲ);
б) 2018 йил 1 январдан бошлаб ҳар ойда тўланадиган гонорарлар:
- Фанлар академиясининг ҳақиқий аъзолари ҳамда собиқ Ўзбекистон Қишлоқ хўжалиги фанлари академиясининг ҳақиқий аъзоларига – 4,22 МҲЕКМ (илгари – 12 ЭКИҲ);
- собиқ Ўзбекистон Қишлоқ хўжалиги фанлари академиясининг мухбир аъзоларига – 2,81 МҲЕКМ (илгари – 8 ЭКИҲ);
г) 2008 йил 1 сентябрдан ўрта махсус, касб-ҳунар таълим муассасалари ўқитувчиларига қуйидагилар учун тўланаётган оширилган қўшимча тўловлар:
- гуруҳга раҳбарлик қилиш – МҲЕКМнинг 35,2 фоизи (илгари – ЭКИҲнинг 100 фоизи);
- ёзма ишларни текшириш – МҲЕКМнинг ўртача 17,6 фоизи (илгари – ЭКИҲнинг 50 фоизи);
- ўқув ва лаборатория хоналарига мудирлик қилиш – МҲЕКМнинг 17,6 фоизи (илгари – ЭКИҲнинг 50 фоизи).
э) 2018 йил 1 январдан Ўзбекистон Бадиий академиясининг ҳақиқий аъзоларига тўланаётган, ЖШДС солинмайдиган ҳар ойлик гонорарлар – 1,41 МҲЕКМ (илгари – 4 ЭКИҲ);
ж) 2018 йил 1 апрелдан Геология давлат қўмитаси ходимларининг иш ҳақига туман (ҳудудий) коэффициэнтларни ҳисоблаш учун белгиланган чекланган сумма – 2,11 МҲЕКМ (илгари – 6 ЭКИҲ);
з) давлат органларининг раҳбарлари ва ходимларига давлат хизматларини самарали жорий этганлиги учун чорак якунлари бўйича мукофотлар – 3,52 МҲЕКМ (илгари – 10 ЭКИҲ);
и) 2019 йил 1 майдан суд бошқарувчиларига ҳар бир якунланган тугатиш иши юритуви учун тўланадиган мукофотлар – 7,03 МҲЕКМ (илгари – 20 ЭКИҲ).
Шунингдек, 2019 йил 1 январдан прокуратура органлари ходимлари, Марказий сайлов комиссияси аъзолари ва Котибият ходимлари учун белгиланган меҳнат ҳақининг янги разрядлари, шунингдек, 2018 йил 1 январдан жорий этилган муаллифлик ҳақи бўйича минимал ставкалар тасдиқланди.
Изоҳ (0)