Eng kam ish haqining bekor qilinganligi munosabati bilan qonun hujjatlariga o‘zgartirishlar kiritish davom etmoqda, deb xabar beradi Norma.
Ta’kidlash kerakki, dekabr oyining boshlarida 50 dan ortiq qonunlarga tegishli tuzatishlar kiritilgan edi. Hozir O‘zbekiston Prezidentining 90 ta qaroriga (farmonlar va qarorlar) tuzatish kiritilmoqda.
Qanday koeffitsientlar o‘zgartirilgani quyida keltirilgan (hozirda mehnatga haq to‘lashning eng kam miqdori — 634 880 so‘mni tashkil etadi):
a) 1994-yil 1-sentabrdan boshlab to‘lanayotgan bola tug‘ilganda bir yo‘la beriladigan nafaqalar – 70,3 foiz MHEKM (ilgari – 2 EKIH);
b) 2018-yil 1-yanvardan boshlab har oyda to‘lanadigan gonorarlar:
- Fanlar akademiyasining haqiqiy a’zolari hamda sobiq O‘zbekiston Qishloq xo‘jaligi fanlari akademiyasining haqiqiy a’zolariga – 4,22 MHEKM (ilgari – 12 EKIH);
- sobiq O‘zbekiston Qishloq xo‘jaligi fanlari akademiyasining muxbir a’zolariga – 2,81 MHEKM (ilgari – 8 EKIH);
g) 2008-yil 1-sentabrdan o‘rta maxsus, kasb-hunar ta’lim muassasalari o‘qituvchilariga quyidagilar uchun to‘lanayotgan oshirilgan qo‘shimcha to‘lovlar:
- guruhga rahbarlik qilish – MHEKMning 35,2 foizi (ilgari – EKIHning 100 foizi);
- yozma ishlarni tekshirish – MHEKMning o‘rtacha 17,6 foizi (ilgari – EKIHning 50 foizi);
- o‘quv va laboratoriya xonalariga mudirlik qilish – MHEKMning 17,6 foizi (ilgari – EKIHning 50 foizi).
e) 2018-yil 1-yanvardan O‘zbekiston Badiiy akademiyasining haqiqiy a’zolariga to‘lanayotgan, JShDS solinmaydigan har oylik gonorarlar – 1,41 MHEKM (ilgari – 4 EKIH);
j) 2018-yil 1-apreldan Geologiya davlat qo‘mitasi xodimlarining ish haqiga tuman (hududiy) koeffitsientlarni hisoblash uchun belgilangan cheklangan summa – 2,11 MHEKM (ilgari – 6 EKIH);
z) davlat organlarining rahbarlari va xodimlariga davlat xizmatlarini samarali joriy etganligi uchun chorak yakunlari bo‘yicha mukofotlar – 3,52 MHEKM (ilgari – 10 EKIH);
i) 2019-yil 1-maydan sud boshqaruvchilariga har bir yakunlangan tugatish ishi yurituvi uchun to‘lanadigan mukofotlar – 7,03 MHEKM (ilgari – 20 EKIH).
Shuningdek, 2019-yil 1-yanvardan prokuratura organlari xodimlari, Markaziy saylov komissiyasi a’zolari va Kotibiyat xodimlari uchun belgilangan mehnat haqining yangi razryadlari, shuningdek, 2018-yil 1-yanvardan joriy etilgan mualliflik haqi bo‘yicha minimal stavkalar tasdiqlandi.
Izoh (0)