Ташқи ишлар вазирининг биринчи ўринбосари Илҳом Неъматов Ўзбекистоннинг Евросиё иттифоқига аъзо бўлиши ҳақидаги саволга жавоб қайтарди, деб хабар беради «Kun.uz».
Неъматов Қирғизистон томонидан Ўзбекистонга қарашли Сўх эксклавига олиб борадиган йўлнинг очилганидан икки кун ўтиб ёпиб қўйилгани Ўзбекистоннинг ЕОИИга аъзо бўлиши учун қилинаётган навбатдаги босим эмаслигини таъкидлади.
«Ўтган сафар ҳам айтганман, яна қайтариб айтаман. Евросиё иттифоқига киришга бизни ҳеч ким мажбурлай олмайди. Чунки Ўзбекистон – ниҳоятда салоҳиятли, нафақат минтақада, балки бутун дунёда катта обрўга эга бўлган давлат. Манфаатларимизга жавоб берсагина кирамиз. Ҳозирги кунда экспертлар томонидан бу масаланинг ижобий томони, салбий томони ўрганиляпти. Ўрганиш натижаси тарозига қўйилгандан кейин ижобий томони тарози палласини босиб кетса, биз иттифоққа кирамиз, салбий томони босиб кетса, демак, уни ўйлаб кўрамиз.
Лекин Ўзбекистоннинг иқтисоди тобора кенгайиб бормоқда, ўсиб бормоқда. Бунинг учун нима керак? Бозор керак, майдон керак. Асосий майдон қаерда? Қозоғистонда ва Россияда. Шундан келиб чиққан ҳолда иқтисодий манфаатимизга жавоб беришини ўйлаб бу ташкилот билан яқин ҳамкорлик қилишимиз керак», — дейди Илҳом Неъматов.
Мавзуга доир: Жамшид Қўчқоров: «Агар фойдали бўлса, ЕОИИга кирамиз»
Изоҳ (0)