Профессионал бокснинг супер енгил (-63,5 кг) вазн тоифасида рингга чиқаётган ўзбекистонлик Фазлиддин Ғоибназаров 16 декабрь куни навбатдаги жангини ўтказди.
Қозоғистоннинг Олмаота шаҳри мезбонлик қиладиган бокс оқшомида Ғоибназаровга аргентиналик Мауро Максимилано Годой рақиблик қилиши керак эди. Бироқ Годой мазкур жангда иштирок этмаслиги, унинг ўрнига эса мексикалик Хавьер Меркадо рақиб бўлиши ҳақида хабар берилганди.
Бироқ жангга бир кун қолган рақиб яна ўзгарган. Фазлиддинга ушбу жанг оқшомида украиналик Владислав Баранов рақиблик қилди. Ўзбекистонлик боксчи рақибини 1-раунддаёқ нокаутга учратиб, ғалабага эришди.
Маълумот учун, Фазлиддин шу кунга қадар проф рингда саккизта жанг ўтказиб, уларнинг еттитасида ғолиб бўлган. Битта жангда (Майкл Фоксга) эса мағлуб бўлган.
Баранов эса ҳозиргача 13 та жанг ўтказиб, уларнинг 6 тасида ғалаба қозонган. 5 та жангда эса мағлуб бўлиб, 2 та баҳсда дуранг қайд этган.
Изоҳ (0)