Россия Туркия президенти Ражаб Тоййиб Эрдўғонни 2020 йилги Ғалаба парадига таклиф қилди. Бу ҳақда «Известия» хабар бермоқда.
Россиянинг Анқарадаги элчихонаси вакилларига кўра, Туркия томонидан ҳозирча бу таклифга розилик берилмаган. Мамлакат президенти маъмурияти ҳам Эрдўғоннинг Москвадаги юбилей тадбирларида иштирок этиш режаси борлигини тасдиқламади.
Шу пайтгача Туркиянинг ҳеч бир раҳбари Қизил майдондаги парадда қатнашиш учун Москвага келмаган. Мамлакат расман иккинчи жаҳон урушида иштирок этмаган.
Маълумот учун
Москвадаги парадга МДҲ, Европадаги кўпчилик давлатлар етакчилари, АҚШ президенти Дональд Трамп ва Исроил бош вазири Бинямин Нетаньяху таклиф қилинган. 2020 йил 9 майда Россияга келиш истагини ҳозирча 17 давлат, жумладан, Ҳиндистон, Франция, Сербия, Чехия, Куба етакчилари билдирди.
Изоҳ (0)