КХДР давлат кенгаши раиси Ким Чен Ин Яндок вилоятидаги термал, қайноқ булоқлари дам олиш курортининг тантанали очилиш маросимида иштирок этди. Бу ҳақда Корея марказий телеграф агентлиги хабарига таяниб «ТАСС» хабар берган.
КХДР давлат раҳбари Яндок балнеологик курортни фойдаланишга топширди ва шахсан ўзи дам олиш ҳудудини айланиб чиқди. КМТА хабарига кўра, Ким Чен Ин термал булоқлардан чиқаётган сув ҳавзалари дам олаётган фуқароларни кузатган, чанғи жиҳозлари ижараси биносида бўлган, спорт анжомлари сифатига баҳо бериб, дор йўлидан тоғ чўққисига чиқиб юқоридан атроф гўзаллигига баҳо берган.
«Муҳтарам олий раҳбаримиз, спортчиларнинг қор устида енгил парвоз қилаётганини юзида табассум билан кузатди», — дейилади агентлик хабарида.
Ким Чен Ин курортдан чиқиб, тоғ ёнбағридаги от спорти паркига борган, у ерда мактаб ўқувчилари билан учрашиб, улар билан бирга суратга тушган.
КХДР ҳарбий қурувчилари Яндокдаги комплексни қуриб битказиши учун бир йилдан сал камроқ вақт талаб этилди. Барча бинолар ягона меъморий услубда қурилган ва улкан тоғлар билан уйғунликда чиройли ландшафт ҳосил қилади. Тоғ чанғи курортига олиб борадиган учта турли мураккабликлардаги трасса қурилган.
Изоҳ (0)