АҚШ Россияни гипертовушли қурол ишлаб чиқиш борасида тақиб қилишда давом этмоқда, ушбу пойгада ҳар бир доллар пул аҳамиятга эга, дейди Пентагон раҳбари Марк Эспер. Бу ҳақда «РИА Новости» хабар берган.
Калифорнияда ўтган хавфсизлик форумида журналистлар Эспердан Россия билан гипертовушли қурол борасидаги рақобат ҳақида сўраган.
«Биз ушбу технология ишлаб чиқилишида бир неча йил аввал танаффус эълон қилдик, у вақтда бу борада яққол етакчи эдик, лекин энди тақибчи ролидамиз. Мудофаа вазирлиги ҳар бир долларни гипертовушли қурол йўналишида яна етакчиликни қайтариб олиш учун сафарбар этмоқда», — дейди Эспер.
«Россиянинг турли қуроллар, жумладан, ЧБ-III шартномасига зид стратегик қуроллар ишлаб чиқаётганидан хавотирдаман. Ушбу ҳаракатлар ҳисоботини олиш ёки текшириш имконияти йўқ. Сўнгги йилларда аввалги ва ҳозирги АҚШ администрацияси Россиянинг бу борада ғирромлик қилаётганини гувоҳи бўлган. Айни вақтда улар ҳарбий жиҳатдан бизга нисбатан кучли потенсиалга эга, айниқса ўрта ва қисқа масофага зарба бера оладиган ракеталар борасида. Шу сабабли ҳам русларнинг бу борадаги ҳаракатларини диққат билан кузатяпмиз», — дейди АҚШ мудофаа вазири.
Мавзуга доир:
Аввал Қўшма Штатлар Россия билан келишувга нафақат ЧБ-III келишувига алоқадор қурол-яроғ балки етказиб бериладиган қуроллар, жумладан кам қувватли ядро қурилмалари ҳам киритилиши лозимлигини билдирган. Пентагон Россияда 2 мингтагача ностратегик ядро қуроли бор деб ҳисоблайди.
Изоҳ (0)