Сирдарё вилояти божхона бошқармаси ходимлари ҳуқуқни муҳофаза қилувчи бошқа идора вакиллари билан ўтказган тезкор тадбир давомида пиротехника воситаларининг яна бир ноқонуний савдосига чек қўйилди. Бу ҳақда Давлат божхона қўмитаси ахборот хизмати хабар бермоқда.
Маълум қилинишича, тезкор тадбир давомида фуқаролар П.А. ва К.Э. шартли харидор билан олдиндан келишиб, белгиланган жойга Matiz русумли автомашинада 86 400 дона пиротехника воситасини олиб келганида тадбир иштирокчилари томонидан қўлга олинди.
Тошкент шаҳар Чилонзор туманида ўтказилган тадбирда эса фуқаро М.Б. бошқарувидаги Damas русумли автомашина тўхтатилиб, белгиланган тартибда назоратдан ўтказилди.
Натижада автомашинада тегишли ҳужжатлари бўлмаган 115 200 дона пиротехника воситаси борлиги аниқланди.
Ўтказилган тезкор тадбирлар давомида умумий қиймати 420 миллион сўмлик 201 600 дона пиротехника воситаси ашёвий далил сифатида олинди.
Ҳозирда мазкур ҳолатлар юзасидан божхона органлари томонидан суриштирув ҳаракатлари давом эттирилмоқда.
Изоҳ (0)