Андижон шаҳрида 4 декабрь, чоршанба куни соат 14:13 атрофида 2-кичик даҳа «Соғлом авлод» МФЙ Лермонтов кўчасидаги 7-сонли кўп қаватли уйда қўлбола усулда тайёрланган газни тортиш мосламасида юзага келган чақнаш натижасида ёнғин содир бўлгани ҳақида хабар берилган эди. Ўзбекистон Ички ишлар вазирлиги ҳузуридаги Тергов департаменти воқеа юзасидан қўшимча маълумот берди.
Хабар берилишича, портлаш ва ёнғин 30 ёшли фуқаро Д.С.нинг хонадонида ўрнатилган газ тортгич мосламасида уйда ҳеч ким йўқлиги ва назоратсиз қолиши оқибатида кўп миқдорда газ тўпланиб чақнаши натижасида келиб чиққан.
Мавзуга доир: Андижонда кўп қаватли уйда портлаш юз берди. Ҳодиса оқибатида 8 киши касалхонага ётқизилди (видео)
Ҳозирда мазкур ҳолат юзасидан Андижон шаҳар ИИБ ҳузуридаги Тергов бўлими томонидан терговга қадар текширув ҳаракатлари олиб борилмоқда.
Воқеа юз берган жойга Андижон вилояти ҳокими Шуҳрат Абдураҳмонов етиб борган ва мутасадди ташкилотларга юзага келган зарарни қоплаш, фуқароларга ижтимоий ёрдам кўрсатиш юзасидан топшириқ берган. Шунингдек, ҳодиса юз берган жойга фавқулодда вазиятлар вазирининг биринчи ўринбосари бошчилигида тезкор гуруҳ жўнатилган.
Изоҳ (0)