Екатеринбургдаги Ленин тумани суди пора билан қўлга тушган Свердловск вилояти Тергов бошқармаси раҳбарининг ўринбосари Михаил Бусилкони 2 ой муддат уй-қамоғида сақлашга ҳукм чиқарди. Бу ҳақда «ТАСС» хабар берди.
Уй-қамоғи эҳтиёт чораси 2020 йил 28 январгача қўлланилади. Ушбу эҳтиёт чораси ҳимоячи томонидан таклиф қилинган.
Бусилко 30 ноябрь, шанба куни ашёвий далиллар билан қўлга олинган. Тергов маълумотларига кўра, пора жиноий ишни тўхтатиш ҳақидаги қарорни бекор қилиш мақсадида таклиф этилган.
Бусилко билан бирга пора беришда воситачилик қилган адвокат ҳам ҳибсга олинган. У ҳам айбини тан олган. Суд ишида иштирок этаётган адвокат пора миқдорининг икки миллион рубл бўлганлигини билдирган. 43 ёшли адлия полковниги Михаил Бусилко Екатеренбургда 18 миллион рубль (қарийб 280 минг АҚШ доллари) миқдорида пора олаётган вақтида қўлга олинган.
Мавзуга доир:
Изоҳ (0)